VITA BRE

nga

RIJENI

(përpunimi i frutave dhe perimeve, prodhimi i koncentrateve, pureve dhe kubeve të mollëve të ngrira)

+38975421259

Македонија

Билкарството како хоби и рекреација

На падините на Скопска Црна Гора во овој период од годината е раздвижено - се разбира кога карантинот не е на сила - не само поради оние што сакаат да избегаат подалеку од градскиот метеж, туку и заради билкарите. Ова е идеално време за собирање и сушење на лековити растенија, кои барем во овој крај ги има во изобилство

Речиси и да нема површина далеку од градскиот асфалт на која познавачите на природата и растенијата, не можат да препознаат корисни и лековити растенија. Милка Анастасовска од Скопје, инаку пензиониран физиотерапевт, на прсти ги знае сите села околу Скопје, затоа што нејзино хоби е билкарството. Со години наназад од почетокот на март, па се до доцната есен, како што самата вели, е околу селата на Скопска Црна Гора, ....Бразда, Глуво, Кучевиште, Побожје Раштак.....
„Сите овие села се многу близу до Скопје, но светлосни години далеку, кога се природата и сите нејзини дарови во прашање. Кога е дозволено движењето не можам а да не дојдам во оваа недопрена убавина. Моето мото е дека за секоја болка има и билка, а во моментов собирам камилица, ајдучка трева, млечки и кукурек и кантарион. За мене билкарството никогаш не било бизнис, иако познавам многу луѓе кои добро заработуваат од ова“.
Анастасовска вели дека од некои растенија си подготвува мелеми и масти, од други чаеви, а некои едноставно ги користи за јадење. Од дивите сливи и јаболчиња, си подготвувам ликери, од шипинките и шумските плодови правам слатко, од бозелот сок, а знам да наберам и многу различни тревки и да си подготвам зелена салата“. Таа предупреува дека доколку растенијата не се познаваат доволно може да направат повеќе штета отколку корист. Не се јаде се што ќе се најде во природата, а некои растенија набрани подоцна одколку што треба, знаат да предизвикаат и тешки труења и дијареа, вели нашата соговорничка.

Дека Анастасовска е во право, говори и фактот дека агрономот Слаѓана Калајџиеска Бебекоска, го советува истото. Таа потенцира дека при собирање на лековити ароматични растенија треба да се знае точно за што се собираат истите, односно кој дел од растението се собира и во кое време тоа треба да се направи. Според тоа постојат одредени правила. Ако се користи коренот, тоа растение се собира во пролет или есен, лисjaтa се собираат кога растението е во фаза на интензивно цветање, а плодовите се собираат или пред зреење или кога плодот е целосно зрел. Сите растенија се собираат по убаво и суво време, околу пладне кога во воздухот има најмал процент на влага. При собирање растенијата или нивните делови се сместуваат во плетени кошници, кутии или платнени кесиња. Никогаш не смее да се користат пластични кеси зашто во нив нема циркулација на воздухот и собраните растенија брзо овенуваат, а може да се појави и трулеж.

Цветовите се собираат кога растението е во фаза на почеток на цветање. Цветовите се многу нежни па затоа се собираат еден по еден. Тие се складираат во плетени кошници или кутии и при тоа треба да се внимава да не се нагмечуваат или физички оштетуваат, а веднаш потоа се пристапува кон нивно сушење во природни услови или специјално направени сушарници. Лисјата се собираат пред цветање или за време на цветање на растението. Најквалитетни лисја се собираат во период кога се јавуваат првите цветови зашто тогаш се најсочни и со најмногу лековити материи во себе. Лисјата се собираат по убаво и суво време, зашто влагата може да доведе до палење-трулеж. Треба да се собираат само млади, здрави, сочни лисја кои се складираат во кошници или кутии без да се нагмечуваат и веднаш се носат на сушење. Лековитите растенија се надземни зелјести растенија познати како треви. Се собираат во почетокот на цветање на растенијата заедно со стеблото, листот и цветот. При тоа важно е тоа да не се собираат интензивно расцветани растенија затоа што тие поседуваат многу помалку лековити материи. Плодовите и семињата, советува Калајџиеска Бебекоска, се собираат кога се зрели, освен плодот на шипинката која се собира пред фаза на целосно зреење. Кога се собира кора од одредини растенија таа се лупи во текот на пролетта кога дрвото содржи најмногу сокови, односно лековити сосотојки.

Б.Абрашева Ноциќ

VITA BRE

nga

RIJENI

(përpunimi i frutave dhe perimeve, prodhimi i koncentrateve, pureve dhe kubeve të mollëve të ngrira)

+38975421259

Rreth Nesh

Tregu i Gjelbër Kibernetik (CGM) është një Platformë Ueb që promovon eksportin dhe shitjen me shumicë të produkteve bujqësore, frutave të pyllit dhe produkteve të tyre dytësore nga Gadishulli Ballkanik.

Shitje me pakicë

Në pjesën e shitjes me pakicë mund të gjeni gjithashtu makina, mjete shtëpie dhe kopshtesh, uniforma pune dhe gjithçka që ju nevojitet për punën tuaj në fermë. Të gjitha këto mund t’i porosisni nga shitësit tanë tashmë të verifikuar nga dyqanet më të mëdha online në botë.

CGM Ali

A doni të shisni produktet tuaja në Alibaba, por nuk doni të paguani 4,999 dollarë në vit për një llogari premium të Alibaba? Bëni kërkesë për një llogari "CGM Ali" këtu, zgjidhni një nga planet tona dhe për vetëm 199 $ në vit filloni shitjen në Alibaba tani!

© 2019 Elektronski Zelen Pazar LLC Resnjë