​

Нутриционист

Јаболко

Јаболкото е едно од најпопуларните овошја, кое содржи импресивна листа на есенцијални хранливи материи.

Јаболкото (Malus domestica) е едно од најпопуларните овошја, кое содржи импресивна листа на есенцијални хранливи материи, кои се неопходни за нормален раст и развој, но и за општата здравствена благосостојба.
Јаболката имаат ниска калорична вредност. Не содржат заситени масти и холестерол, а се богати со растителни влакна, кои ја спречуваат апсорпцијата на ЛДЛ холестеролот од храната во дигестивниот систем. Растителните влакна исто така помагаат во заштитата на слузокожата на дебелото црево од изложеноста на токсични супстанци, преку сврзување со хемикалиите кои предизвикуваат рак.

Јаболката содржат солидна количина витамин Ц и бета-каротин. Конзумирањето храна богата со витамин Ц му помага на телото да создаде отпорност кон разни инфективни агенси и да ги собере штетните слободни радикали кои предизвикуваат воспанија. Тие се богати со антиоксидантските хранливи фитоматерии полифеноли и флавоноиди, кверцитин, епикатехин и процијанидин кои му помагаат на телото да се заштити од штетните ефекти на слободните радикали.

Дополнително, јаболкото е богат извор на витамини од Б-комплексот, како што се: рибофлавин, тиамин и пиридоксин (витамин Б6). Заедно, овие витамини служат како кофактори за ензими во метаболичките процеси, како и во разни синтетички функции во телото, а содржи и мали количини на минерали, како што се: калиум, фосфор и калциум.

Бузлевски Илија